ডিজিটেল সংবাদ, গুৱাহাটীঃ শিশু নিৰ্যাতনৰ অভিযুক্ত চিকিৎসক ডাঃ সংগীতা দত্ত আৰু তেওঁৰ স্বামী ৱালিউল ইছলামক বৃহস্পতিবাৰে আৰক্ষীয়ে গুৱাহাটী কেন্দ্ৰীয় কাৰাগাৰৰ পৰা গুৱাহাটীৰ পছক' আদালতত হাজিৰ কৰায়। গুৱাহাটীৰ পছক' আদালতৰ ভিতৰত উপস্থিত হৈ চিকিৎসক সংগীতা দত্তই বিকট চিঞৰ বাখৰ কৰি এক অবাঞ্ছিত পৰিস্থিতিৰ সৃষ্টি কৰে। পছক' আদালতৰ ভিতৰত সংগীতা দত্তই চিঞৰি চিঞৰি কান্দি আদালতৰ পৰিৱেশ বিনষ্ট কৰে। স্বামী ৱালিউল ইছলামক জামিন নিদিলে সংগীতাকো জামিন নালাগে বুলি চিঞৰি চিঞৰি সংগীতা দত্তই কয় যে যদি ৱালিউলক জামিন দিয়ে তেন্তে মোকো জামিন দিব লাগিব। আদালতৰ ভিতৰত মানসিক চিকিৎসক ডাঃ সংগীতাৰ আচৰণ দেখি হতবাক হৈ পৰে আৰক্ষী, ন্যায়াধীশ-অধিবক্তাসকল।